Ars photographica

[Daniel Hoehr]

Neciebam Leonem XIII P.M. poemata Latine scripsisse. Hoc carmen de arte
photographica inter alia in pagina interretiali inveni:

Ars photographica
(1867)

Expressa solis spiculo
nitens imago, quam bene
frontis decus, vim luminum
refers et oris gratiam!


O mira virtus ingeni
novumque monstrum! Imaginem
naturae Apelles aemulus
non pulchriorem pingeret.

http://www.fh-augsburg.de/~harsch/Chronologia/Lspost19/LeoXIII/leo_carm.html

In eodem situ interretiali epistulas Lenonis XIII invenimus.

http://www.fh-augsburg.de/~harsch/Chronologia/Lspost19/LeoXIII/leo_epis.html

DH

[Daniel Hoehr]

Post by Daniel Hoehr
In eodem situ interretiali epistulas Lenonis XIII invenimus.

lege "In eodem situ interretiali epistulas quoque Lenonis XIII
invenimus."

DH

[Jack O'Malley]

Post by Daniel Hoehr

Post by Daniel Hoehr
In eodem situ interretiali epistulas Lenonis XIII invenimus.

lege "In eodem situ interretiali epistulas quoque Lenonis XIII
invenimus."

Quo colore erubescit P.M.? Sacro purpureo? Aut fortasse
exalbescit albo papali? Quia mihi persuasum habeo ut, quamquam
in curia Romana sine dubio multi fuerint lenones, numquam
ad thronum Petrinum ut puto ascenderint. Valde velim tamen
epistulas cuiusdam lenonis curialis perlegere: credo eas tam
oblectantes fore quam memorias nostrae Fanny Hill!

Non dubito quin scribere volueris « Leonis XIII ». I statim in
confessionem! ;-)

Benedic pater me quia peccavi: Sanctum Patrem lenonem nuncupavi!
Quotiens?
Semel modo!
Ad poenitentiam tuam igitur iter fac in Coloniam pro die iuventutis
mundiali! :-)

(ioculum modo facio; spero te non aegre ferre.)

Jack

[Daniel Hoehr]

Post by Jack O'Malley

Post by Daniel Hoehr

Post by Daniel Hoehr
In eodem situ interretiali epistulas Lenonis XIII invenimus.

lege "In eodem situ interretiali epistulas quoque Lenonis XIII
invenimus."

Quo colore erubescit P.M.? Sacro purpureo? Aut fortasse
exalbescit albo papali? Quia mihi persuasum habeo ut, quamquam
in curia Romana sine dubio multi fuerint lenones, numquam
ad thronum Petrinum ut puto ascenderint. Valde velim tamen
epistulas cuiusdam lenonis curialis perlegere: credo eas tam
oblectantes fore quam memorias nostrae Fanny Hill!
Non dubito quin scribere volueris « Leonis XIII ».

...

Nescio quomodo littera "n" inter "e" et "o" irruere potuerit. Fortasse
ullus spiritus malignus litteram nomini Papae adiecit. Si hoc verum sit,
nos oporteat alia verba quae scripsit Leo XIII recitare:

Sancte Michael Archangele, defende nos in proelio; contra nequitiam
et insidias diaboli esto praesidium. Imperet illi Deus, supplices
deprecamur: tuque, princeps militiae caelestis, satanam aliosque
spiritus malignos pervegantur in mundo, divina virtute in infernum
detrude. Amen.

Post by Jack O'Malley
I statim in
confessionem! ;-)
Benedic pater me quia peccavi: Sanctum Patrem lenonem nuncupavi!
Quotiens?
Semel modo!
Ad poenitentiam tuam igitur iter fac in Coloniam pro die iuventutis
mundiali! :-)

Heu! Non solum urbs Coloniensis sed etiam haec tota regio PLENA
iuvenibus est. Die Veneris tramine ferriviaro Coloniam ivi ad sacerdoti
cuidam Fraternitatis Sacerdotalis Sancti Petri Sanctam Missam
(traditionalem) ministrandam. Statio centralis Coloniensis iam simul
festo Woodstock videbatur. Proximo die Veneris mihi rursus Coloniam
eundum erit. Fortasse tramen quinque vel sex prius horis capiam ut
diligenter in tempore adveniam...

Post by Jack O'Malley
(ioculum modo facio; spero te non aegre ferre.)

Nullo modo! Pro certo habeo me telespectantem spectacula quasi
protestantica diei iuventutis muniali, quae "sanctae missae" vocantur,
agre laturum; sed etiam pro certo habeo Benedictum XVI suas Missas
dignanter Latine celebraturum esse.

Post by Jack O'Malley
Jack

DH

[Daniel Hoehr]

Post by Daniel Hoehr
Nullo modo! Pro certo habeo me telespectantem spectacula quasi
protestantica diei iuventutis muniali, quae "sanctae missae" vocantur,
agre laturum;

pro "agre" lege "aegre"

[J. W. Love]

Post by Daniel Hoehr
Neciebam Leonem XIII P.M. poemata Latine scripsisse. Hoc carmen de arte
Ars photographica
(1867)

Pontifex maximus you say? In 1867? What have you done with Pio Nono?!

[B. T. Raven]

Post by J. W. Love

Post by Daniel Hoehr
Neciebam Leonem XIII P.M. poemata Latine scripsisse. Hoc carmen de arte
Ars photographica
(1867)

Pontifex maximus you say? In 1867? What have you done with Pio Nono?!

Illo tempore Cardinalis Pecci. Serius, iam P.M. ei scripsit Madame
Dreyfus de l'Affaire:

"BEATISSIME PATER.

Lucia Eugenia Dreyfus, uxor centurionis praeclarissimum ordinem ducentis
in exercitu Galliae, natus in religione ludaeorum, orat atque implorat
interventionem Sanctissimi Patris Leonis XlIli in circumstantiis
sequentibus:
Alfred Dreyfus qui patriae suae devotissimus miles fuit, obrutus
testimonio fallaci et leviter acceptato in aula militari iudicibus
specialiter convocatis ad exilium perpetuum cum maxima aggravatione
punitionis condemnatus.
Dubium delicti Dreyfus exsistit et quotidie accrescit. Animae autem
Christianorum incipiunt valde timere ne praeiudicium Anti-Semiticum
partem in opere habeat. Experti in littera scripta singularem
haesitationem demonstraverunt. Probationes, documenta et signa in aula
secreta insufficientes fuerunt. Post hanc sententiam gravissimam nemo
admittebatur in praesentiam incarcerati, qui a familia crudeliter
ereptus in custodia terribili in insula Diaboli miserrimarn vitam
trahit.
Lucia Eugenia Dreyfus ad pedes Sanctitatis vestrae humillime supplicat
misericordiam et compassionem Patris Ecclesiae Catholicae. Declarat
maritum suum innocentem et victimam erroris judicialis. Isolatus ab
hominibus haec supplica signatur ab uxore eius dolorosissima quae
illacrymans conspicit Christi Vicarium sicut olim filiae lerusalem
Christum ipsurn conspexerunt.

LUCIA EUGENIA DREYFUS. "